|
|
﴾ ..... أتموا الحج و العمرة لله ﴿
﴾ Allah rizası üçün həcc və ümrə
(kiçik həcc) əməllərini tamamlayın .... ﴿;
(əl-Bəqərə 196).
|
|
|
|
|
| Zilhiccə ayının ilk 10 günü |
 |
Allah Talaya həmd və şükürlər olsun ki, müsəlman ümmətinə çox nemətlər və çox
fəzilətlər verib ki, bunları öncəki ümmətlərə verməyib. Bu fəzilətlərdən biri də, bizlərə
müxtəlif ibadət və xeyir vaxtları təyin etməsidir. Bunlardan, Ramazan bayramı, Qədr
gecəsi, Aşura günü, Zilhiccə ayında Həccə getmək, Zilhiccə ayının ilk 10 günü, Şəvval
ayından 6 gün oruc tutmaq, Bayram namazları, Cümə günləri və s. Əziz müsəlmanlar
Zilhiccə ayının və xüsusilə də bu ayın ilk 10 gününün bir çox fəzilətləri vardır. Bunlar
Qurani Kərimdə və Peyğəmbərimizin (s) hədislərində öz əksini tapıb.
Allah Tala əl-Fəcr surəsinin ilk ayələrində belə buyurur: ﴾ And olsun dan yerinə, and
olsun 10 gecəyə ﴿”
Bu fəzilətli günlərdə görüləcək xeyir əməllər:
1. Həcc və ümrə (kiçik həcc)etmək. Əlbəttə Zilhiccənin bu 10 günündə ən fəzilətli və
yüksək savablı əməl Həccə getmək və ümrə etməkdir. Peyğəmbərimiz (s) buyurmuşdur ki;
“ümrədən ümrəyə olan müddətdəki günahlar bağışlanır, qəbul olunmuş Həccin mükafatı
isə yalnız Cənnətdir.”
|
2. Namaz. Bu günlərdə fərz, vacib namazlarını çalışıb hamısını tam vaxtı girən kimi qılmaq, gecikdirməmək və nafilə
namazlarını çoxaltmaq lazımdır. Nafilə namazlar AllahTalaya yaxınlaşmaq üçün ən gözəl vasitələrdəndir.
3. Oruc. Oruc tutmaq saleh və xeyir əməllərdən sayılır. Xüsusilə oruc tutmaq çox müstəhabdır.
4. Təhlil (Lə iləhə illallah), Təkbir (Allahu Əkbər) və Həmd (Əlhəmdulillah). Bu 10 gündə bunları çox demək
müstəhabdır, Biz müsəlmanlar Peyğəmbərmizin (s) əməllərini yaşatmalıyıq, çox təəssüf ki, tədricən unuduruq.
Təkbirin bir neçə forması var, rəvayətlərdən bizə çatdığına görə:
- Allahu Əkbər, Allahu Əkbər, Allahu Əkbər Kəbirən
- Allahu Əkbər, Allahu Əkbər, Lə iləhə illallahu Vallahu Əkbər, Allahu Əkbər və Lilləhil Həmd.
- Allahu Əkbər, Allahu Əkbər, Allahu Əkbər, Lə iləhə illallahu Vallahu Əkbər, Allahu Əkbər, va Lilləhil Həmd.
5. “Ərəfə günü” oruc tutmaq. Ərəfə günü oruc tutmağı təkid edərək Peyğəmbərimizin (s) buyurmuşdur: “Ərəfə günü
oruc tutmağın savabını Allahdan istəyirəm, hansı ki, bir il əvvəlki və bir il sonrakı günahları təmizləyir”.
Yalnız həcdə olanlar Ərəfə günü oruc tutmaya bilərlər, çünki Peyğəmbərimiz (s) Ərəfətdə (Həcdə olarkən) duranda
oruc olmayıb.
6. “Tövbə etmək”, bütün günahlardan Allaha dönmək və Ondan əfv diləmək. Ondan sonra, edilən xeyir əməllərə
görə Allahın rəhməti və məğfirəti enər, çünki günahlar insanı Allahdan uzaqlaşdırır və Onun rəhmətindən qovur. İtaət və
ibadət isə Allah Talaya yaxınlaşdırır.
7. “Qurban kəsmək”. Qurban bayramı günləri qurban kəsmək xeyir əməllərdəndir. Bu həm atamız İbrahimin (ə.s)
əməli və həm də Peyğəmbərimizdən (s) rəvayət olunduğuna görə O (s) (Qurban bayramında) 2 qoçu özü kəsmişdir.”
9. “Bayram günü” bayram namazına getmək. Bayram xütbəsinə qulaq asmaq və sonra bayram namazı qılmağın
böyük savabı vardır. Həm də müsəlman bu günün mənasını və hikmətini dərk etməlidir. Bayram günü yaxşılıq və şükr
etmək günüdür. Bu günü pis və günahlarla dolu bir gün etmək olmaz.
10. Ümumiyyətlə saleh əməlləri, namaz, sədəqə, Quran oxumaq, yaxşılıq etmək, pislikdən çəkindirmək və sair kimi
xeyir əməlləri bu 10 gündə artırmaq lazımdır. çünki bu mövsümdə görülən xeyir əməllərin savabı qat-qat yüksək olur.
Allah Tala bu 10 gündə, etdiyimiz ibadətləri dəyər və savablı etsin !
|
|
|