2009-cu ildə təsis olunmuş «Aypara və ulduz» Beynəlxalq Ordeni dünya miqyasında tanınmış dövlət və ictimaiyyət xadimlərinə təqdim olunur. Ordenin statusuna uygun olaraq, A. Paşazadə bu nüfuzlu mükafata beynəlxalq aləmdə müsəlmanların mənəvi inteqrasiyasının dərinləşməsi istiqamətində uzunmüddətli və davamlı fəaliyyətinə, sülh və tolerantlığın təmin edilməsi məramı ilə Qafqazda etniklərarası və konfessiyalararası münasibətlərin möhkəmləndirilməsi işinə verdiyi böyük töhfələrə görə layiq görülmüşdür.

Orden 7 guşəli ulduz formasına malikdir ki, bu öz növbəsində,» Kəlmeyi şəhadət» in ibarət olduğu yeddi sözü simvolizə edir.Ordenin mərkəzində aypara və ulduz həkk olunmuşdur. Hal-hazırda beynəlxalq faleristikada müsəlman simvolikası olan yeganə beynəlxalq orden olan «Aypara və ulduz», taktiki olaraq, 1799-cu ildə sultan III Səlim tərəfindən müsəlman ordeni olan «Hilal nişanının» təsis olunmasının 200 illiyi münasibətilə yenidən dircəldilmiş mükafatdır. Milli, Dini, siyasi mənsubiyyətindən asılı olmayaraq «Hümanizm və ədalət naminə» ideyası ordenin devizidir.

Ordenin dirçəldilməsi ideyası «İNTERSAFETY» Terrorizm, korrupsiya, narkomaniya və ekoloji cinayətkarlığa qarşı Beynəlxalq Təhlükəsizlik Komitəsinə (mənzil qərərgahı Monreal şəhərindədir (Kanada)) və BMT-nin Təltiflər İttifaqına (UNCOPA) aiddir. «Aypara və ulduz» ordeni BMT-nin Bank-Reqistrində 1530 saylı qeydiyyat nömrəsinə malikdir.

Məlumat ücün bildirək ki, Azərbaycan Respublikasının Prezidenti İlham Əliyev bu mükafatın ali dərəcəsinin ilk laureatlarından olmuşdur.

Beynəlxalq mükafat Şeyxulislam A. Paşazadə həzrətlərinə təsisçi təşkilatın səlahiyyətli nümayəndəsi tərəfindən təqdim olunmuşdur.