ORUC TUTANIN YADDAŞ KİTABÇASI faylı endir Müqəddəs dinimiz İslamın bizə əmr etdiyi ibadətlərdən biri də oruc tutmaqdır. Qurani-Kərimin Bəqərə surəsinin 183-cü ayəsində buyurulur:  يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ  "Ey iman gətirənlər! Oruc tutmaq sizdən əvvəlki ümmətlərə vacib edildiyi kimi, sizə də vacib edildi ki, (bunun vasitəsilə) siz pis əməllərdən çəkinəsiniz!" Oruc tutmaq tək İslamda deyil əvvəlki səmavi dinlərdə də mövcud olmuşdur. Bu İbadət müxtəlif dinlərdə müxtəlif formalarda həyata keçirilsə də, İslamda çox aydın və bəlli bir şəkildə hicrətin 2-ci ilində (miladi 624) fərz buyrulmuşdur...

NAMAZ KİTABI faylı endir Namaz ruhu saflaşdıran, qəlbi aydınladan, insanı Allahın hüzuruna gətirən bir ibadətdir. Sevimli Peyğəmbərimiz (s) "Namaz Dinin Dirəyidir" deyərək, namazın dinimizdə ən vacib ibadət olduğunu söyləmişdir. Namaz, bizə bədən ve ruh saflığı gətirən bir nurdur. Bunun sayəsində müsəlman günahdan təmizlənir ve cənnətə getməyə layiq bir qula çevrilir. Namaz gün ərzində beş dəfə insanı süni ehtiyaclardan, bitməz-tükənməz ehtiraslardan qurtarıb, duracağı məqamı xatırladan, könlünün və gözünün qibləsinin nə və hara olduğunu öyrədən qüdsi bir ibadətdir.

TƏZƏ PİR MƏSCİDİ faylı endir Xəlifədam və ya Təzə pir Məlum olduğu kimi, müsəlman aləmində ilk məscidlər 623-cü ildə Mədinədə Məhəmməd Peyğəmbərin evinin yerində, 630-cu ildə Məkkədə, yəni Kəbədə, 632-ci ildə Canadiyada, VII əsrin 70-ci illərində Sapedə əl-Cami, əl-Kəbir, 687-691-ci illərdə  Qüds ətrafında Kubbat əz-Zəhra, VII əsrin əvvəllərində Qüdsdə əl-Əksa 708-ci ildə Dəməşqdə Validə və 641-ci ildə Qahirədə tikilmişdir.

İMAM HÜSEYN faylı endir İmam Hüseynin başına gələn müsibətlər İslam tarixinin ən kədərli hadisələrindən biridir. Bu hadisələr həm də gələcək nəsillər üçün bir məktəbdir ki, İslama bağlanmaq və bu dində sıx birləşmək zərurətini bildirir. İmam Hüseyn da məhz belə düşünüb və belə yaşayan insanlardan olub. Onu sevən insanlar da onun kimi dinə layiqincə xidmət edib müsəlmanların birliyinə çalışmalıdırlar. Bu risalə həmçinin bu hadisədən irəli gələrək parçalanan ümmətin, elmsizliyi ucbatından bir-birinə düşmən kəsilən tərəflərin birliyinə bir səslənişdir. Sözü gedən və buna oxşar tarixi hadisələr biz müsəlmanların birliyinə, isti münasibətlərinə, mehribançılığına təsir göstərməməlidir. Anlamalıyıq ki, güc birlikdədir. İxtilaf isə birliyi sarsıdır və deməli gücümüzü də tükəndirir. Keçmişi xatırlayaraq müsəlmanların arasına ikitirəlik salan, onların arasında fitnə-fəsad yayan münafiqlərin isə vay halına.