Ramazan    sevgi, mərhəmət,    ruzi,    dostluq,  qardaşlıq və həmrəylik ayıdır. Belə bir ayda Prezident həzrətlərinin
bizimlə birgə iftar etməsi onun xalqımızla həmrəylinin,   milli-mənəvi  dəyərlərimizə    yüksək   qiymət   verməsinin bariz
nümunəsi, həm də Azərbaycan  müsəlmanlarına böyük hörmətinin göstəricisidir. Mən  belə    yüksək    münasibətə   görə
Azərbaycan dindarları adından və şeyxülislam kimi şəxsən öz adımdan  Zati-alilərinizə dərin minnətdarlığımı   bildirir   və
Sizə ulu Tanrıdan  cansağlığı, uzun ömür, səadət, Azərbaycan xalqının xoşbəxt gələcəyi naminə  dəyərli    fəaliyyətinizdə
yeni-yeni uğurlar arzulayıram. 
         Bu gün biz milli və dini     mənsubiyyətdən   asılı    olmayaraq,  Azərbayca   adlı böyük bir ailənin bərabər  hüquqlu
üzvləri  kimi  iftar  süfrəsində    bir    araya  gəlmişik.    Deməli,  bu,  yalnız   iftar     süfrəsi   deyil,   həm  də   birliyimizin,
Prezidentimizin ətrafında sıx  birləşməyimizin və  tolerantlığımızın  nümunəsidir. Biz bütün bunlara, ölkəmizdə  sabitliyin
və sürətli  inkişafın  təmin  olunmasına,  eləcə  də  vətəndaş  həmrəyliyinin,  vicdan  azadlığının  və tolerantlığın  qorunub
saxlanılmasına,  inkişafına  görə  ulu  öndər  Heydər  Əliyevə  borcluyuq.  Çünki  bu böyük insan  olmasaydı, nə bugünkü
inkişafımız, nə  həmrəyliyimiz, nə  də Azərbaycan adlı  dövlətimiz olardı. Bu baxımdan Heydər Əliyev, - Allah ona rəhmət
eləsin, -  təkcə dövlətimizin və xalqımızın deyil, eyni zamanda, milli-mənəvi  dəyərlərimizin və gələcəyimizin  xilaskarıdır.
         Ümummilli  liderimizin  əvəzsiz  xidmətləri  nəticəsində  Azərbaycanda tolerantlığın yüksək səviyyədə olması bizim
iftixarla söylədiyimiz həqiqət, xarici siyasətçilərin və diplomatların isə  etiraf etdikləri həqiqətdir. 
         2009-cu  ilin oktyabr  ayında  Bakıda  keçiriləcək Dünya din liderlərinin sammiti dəfələrlə yüksək səviyyəli  mötəbər
tədbirlərə ev sahibliyi etmiş ölkəmizin nüfuzunun daha da artmasının  nümunəsidir. Bundan  başqa,  təşəbbüskarlarından
biri  kimi, Azərbaycanın  dini   liderinin  təklifi  ilə  Birləşmiş  Millətlər  Təşkilatı  nəzdində  Dinlərin  Məşvərət   Şurasının
yaradılmasının və  BMT  rəhbərliyi  tərəfindən  dəstəklənməsinin  özü  də  Azərbaycanın,  Zati-alilləri,  Sizin dünya birliyi
səviyyəsində  yüksək  mövqeyinizin bariz göstəricisidir. 
          Mən  ümummilli  liderimizin  ruhu   qarşısında  baş əyib, böyük  Allahdan ona rəhmət diləyir, qürur hissi ilə bəyan
edirəm ki,  Heydər  Əliyev  həzrətlərinin  yolunu  bu  gün,  sözün əsl mənasında, onun  layiqli varisi olan Prezident  İlham
Əliyev həzrətləri uğurla davam etdirir. Bu  gün Azərbaycan təkcə iqtisadi  göstəricilərinə  və ictimai-siyasi sabitliyinə görə
deyil,  həm də  dini  durumun  və  tolerantlığın  səviyyəsi,  eləcə  də  xalqın  milli-mənəvi  dəyərlərinə  yüksək  münasibət
baxımından regionun lider dövlətidir.
          İlham  Əliyev  həzrətləri   milli-mənəvi  dəyərlərimizin  və  dini  abidələrimizin himayəçisi kimi böyük tarixə  malik
məscid və  ziyarətgahlarımızın  bərpası  sahəsində  ardıcıl  tədbirlər  həyata   keçirir. Bərpası artıq başa çatmış Bibiheybət
ziyarətgahını,  əsaslı   təmiri   hələ   davam   edən   Təzəpir,  Əjdərbəy  məscidlərinin,  eləcə  də  digər  məscidlərin,  dini  
ocaqların,  həmçinin  sinaqoq  və  kilsələrdə  aparılan  tikinti-bərpa  işlərini  görəndə bir Azərbaycan vətəndaşı kimi fərəh
hissi keçirməmək mümkün deyildir. 
         Bu  sahədə   milli-mənəvi    dəyərlərimizin   qorunmasında   Heydər   Əliyev   Fondunun prezidenti Mehriban xanım
Əliyevanın   məqsədyönlü   və   ardıcıl    fəaliyyəti   də   xüsusi  qeyd edilməlidir.  YUNESKO-nun qərarı ilə Bakı şəhərinin
2009-cu  il   üçün   İslam  mədəniyyətinin    paytaxtı   elan   edilməsi   bilavasitə  Azərbaycanın birinci xanımının əməyinin
bəhrəsidir. 
         Azərbaycanda   əhalinin   böyük    əksəriyyətini   müsəlmanlar   təşkil   etməsinə baxmayaraq, digər konfessiyaların
mənsublarına – xristianlara,  yəhudilərə  və  başqa  dinlərin   nümayədələrinə  bərabər şərait yaradılır, onların öz inanc və
etiqadlarına uyğun yaşamaları  üçün dövlət tərəfindən bütün lazımi tədbirlər görülür. 
        Möhtərəm Prezident! 
        Azərbaycan dindarları  Zati-alilərinizin   gərgin   əməyi   və  yüksək bacarığı sayəsində ölkəmizin çətin  sınaqlardan
uğurla çıxdığını çox    gözəl   bilirlər.  Biz onu da   bilirik  ki,  Azərbaycanı, ölkəmizin sürətlə inkişafını və bölgənin lider
dövlətinə  çevrilməsini istəməyən, hər vəchlə bunun   qarşısını   almağa   çalışan qüvvələr də  var. Təəssüf ki, bu qüvvələr
qarşılarına   qoyduqları   məqsədlərə   çatmaq   üçün   din  amilindən    istifadə   etməkdən, dinlər və məzhəblər arasında
qarşıdurma  yaratmaqdan da çəkinmirlər. 
         Zati-aliləri,   Sizi   əmin  edirik    ki, rəhbərliyiniz altında sürətlə inkişaf edən dövlətimizi öz yolundan  döndərmək,
cəmiyyətdəki ictimai-siyasi  sabitliyi   pozmaq,   eləcə    də    dini  durumda  və bu cəmiyyətin fəal qüvvəsi olan dindarlar 
arasında gərginlik yaratmaq  cəhdləri Yaradanın köməyi ilə əsla baş tutmayacaqdır. 
         Biz     inanırıq    ki, inşallah,    Zati-alilərinizin   doğma   Azərbaycanımızla   bağlı   bütün    arzuları   və   ideyaları
reallaşacaqdır.
Ulu   öndər   Heydər   Əliyevin   arzuladığı   kimi,   Qarabağ   düyünü    açılacaq,   Azərbaycanın   ərazi   bütövlüyü Sizin
rəhbərliyinizlə təmin olunacaqdır.  
         Ramazan   həm   də   bərəkət   və uğur   ayıdır.  Mən  dua  edirəm ki, Ramazan ayının bərəkəti xalqımızın və  Zati-
alilərinizin üzərindən əskik olmasın. İnşallah. 
         Möhtərəm cənab Prezident! 
         Hörmətli qonaqlar! 
         Din qardaşlarım! 
         Hörmətli səfirlər! 
        Sizi səmimi qəlbdən bir daha salamlayır, təşəkkürümü bildirirəm. 
       Zati-aliləri, Sizə Azərbaycan xalqının xoşbəxt gələcəyi naminə dəyərli  fəaliyyətinizdə yeni-yeni uğurlar arzulayıram.

            Allah köməyiniz olsun!