və   dini    etiqadından  asılı   olmayaraq,  insanların  birləşməsində  dini liderlərin fəaliyyətini yüksək qiymətləndirmişdir.
Prezident   Dmitri   Medvedev   Qafqaz   Müsəlmanları   İdarəsinin   sədri  Şeyxülislam  Allahşükür   Paşazadənin müxtəlif 
dinlər arasında dialoq və qarşılıqlı əlaqələr üçün  əlverişli şərait yaradılmasına yönəlmiş səylərini vurğulayaraq bildirdi ki,
islamın həqiqi təbiəti, hər bir mənəvi təlimin həqiqi təbiəti məhz  bunda  təzahür edir.  O dedi: "Görünür ki, bu, Qafqazda
sabitliyin əsas  amillərindən biridir".
        Rusiya   dövlətinin   başçısı bildirdi   ki,  Azərbaycan Prezidenti İlham Əliyevlə   görüş zamanı beynəlxalq terrorizmə
qarşı    mübarizə   işində   dövlətlərarası   əməkdaşlıq   məsələləri   müzakirə  edilmişdir.   Prezident   Dmitri    Medvedev
vurğulamışdır ki,  bu  baxımdan konfessiyalararası dialoqun müstəsna əhəmiyyəti   vardır. Sülh və xeyirxah münasibətlər
tamam  başqa  nəticələrə  gətirib  çıxarır   və   bu   baxımdan,   Azərbaycanda   daxil  vəziyyət çox sakit, nümunəvidir, bu
sakitliyin   qədrini bilmək lazımdır.
        Qafqaz   Müsəlmanları    İdarəsinin  sədri   Şeyxülislam   Allahşükür   Paşazadə   dedi   ki,  Azərbaycanda  Rusiya ilə
əməkdaşlığın inkişaf etdirilməsini, onunla sıx əlaqələr   yaradılmasını alqışlayırlar. Din xadimləri iki ölkə  prezidentlərinin
Azərbaycan   ilə  Rusiya  arasında  qarşılıqlı  surətdə  faydalı   əməkdaşlığın genişləndirilməsinə   yönəlmiş təşəbbüslərini
bəyənir və dəstəkləyirlər.
        Şeyxülislam   Qafqazda   sülhün   bərqərar    olması   üçün   bir   dindar  və  vətəndaş kimi   gördüyü işlər haqqında,
Moskvanın və   bütün   Rusiyanın   patriarxı  II  Aleksi ilə   özünün   dostluğu barədə də danışdı.  O, xüsusi   vurğuladı  ki,
Azərbaycanda   dindarlar arasında çox səmimi qardaşlıq münasibətləri var.
        Bakı   və  Xəzəryanı   bölgənin   Yepiskopu  Aleksandr ata və  Dağ yəhudiləri dini   icmasının başçısı Semyon İxiilov
bildirdilər ki, Azərbaycanda  dindarların  dini   ayinləri icra   etmələri üçün hər cür şərait yaradılmışdır, bu ölkədə əsl dini
etiqad azadlığı vardır.